नेपाल सरकार (माननीय मन्त्रीस्तर) को मिति २०७३।०८।०२ को निर्णय अनुसार पुर्वाञ्चल क्षेत्रिय वन निर्देशक श्री मन बहादुर खड्का ज्यू राष्ट्रिय निकुञ्ज तथा वन्यजन्तु संरक्षण विभागको महानिर्देशक पदमा नियुक्त हुनु भएको छ । नव नियुक्त महानिर्देशक ज्यूले आज मिति २०७३।०८।०६ गते यस विभागमा आयोजित स्वागत समारोहका साथ पदवहाली गर्नु भएको छ ।
स्वागत समारोहमा यस विभागका उप–महानिर्देशक श्री गोपाल प्रकाश भट्टराईले स्वागत मन्तव्य तथा सफल कार्यकालको शुभकामना व्यक्त गर्नु भएको थियो । साथै वहांले यस विभागको समग्र अवस्थाको बारेमा जानकारी गराउनु भएको थियो । स्वागत समारोहलाई संबोधन गर्दे नव नियुक्त महानिर्देशक श्री मन बहादुर खड्काले यस विभागले संरक्षणको क्षेत्रमा विश्वमा अलग पहिचान बनाएको र आफ्नो कार्यकालमा सबैको साथ र सहयोगमा संरक्षण कार्यलाई अझ नया उचाईमा पु–याउने प्रण गर्नु भयो ।
